آذربائیجان میں تعلیمی چیلنجز

 

تحریر: زینت اسدوا

مترجم: ماہ نور علی

: آذربائیجان میں غیر شفافیت: تعلیمی مشکلات کی رہنمائی

آذربائیجان، قفقاز کے علاقے میں واقع ایک ملک ہے، اور 1991 میں اپنی آزادی تک یہ سوویت یونین کے زیر حکومت تھا۔ آذربائیجان کے قدرتی وسائل کی وسعت کے باوجود، اس کا بنیادی ڈھانچہ متعدد شعبوں کو متاثر کرتا ہے، جن میں خاص طور پر تعلیمی شعبہ شامل ہے۔

اگرچہ سرکاری اسکولوں میں تعلیم مفت ہے، مگر زیادہ اعلی تعلیم کا انحصار خاندان کی مالی حالت پر ہوتا ہے۔ [1] ایک عام آذربائیجانی خاندان کی سالانہ آمدنی 4250 منات (2500$) ہے، جو کہ عام خاندانوں کے تعلیمی بجٹ کو متاثر کرتی ہے۔ نجی اساتذہ کی خدمات حاصل کرنا اور اسکول کے مواد کی ادائیگی کا خرچ ان کی استطاعت سے زیادہ ہوتا ہے۔ اعلی تعلیمی ادارے اکثر امیر پس منظر کے طلبہ کو ترجیح دیتے ہیں اور دیہی یا کم آمدنی والے خاندانوں کے طلبہ کو نظر انداز کرتے ہیں۔ [2]

جہاں تک تعلیمی نظام کے معیار کا تعلق ہے، ثانوی اسکولز طلبہ کو یونیورسٹی کے داخلہ امتحانات کے لیے مناسب تیاری فراہم کرنے میں ناکام ہیں، جس کی وجہ سے کئی طلبہ کمزور کارکردگی کی وجہ سے ان امتحانات میں ناکام ہو جاتے ہیں۔ [3] تعلیم کے اس خراب نظام کے پیش نظر، امیر پس منظر کے والدین نجی اساتذہ کی خدمات حاصل کرتے ہیں تاکہ اپنے بچوں کو معیاری تعلیم فراہم کی جا سکے۔ اس صورتحال سے فائدہ اٹھانے والے سرکاری اشرافیہ ہوتے ہیں، کیونکہ ان کے پاس اپنے بچوں کو بہتر تعلیم فراہم کرنے کے زیادہ مواقع ہوتے ہیں۔ بعض اوقات یہ بچے امریکہ، کینیڈا اور مغربی یورپی ممالک جیسے ملکوں میں بھیجے جاتے ہیں تاکہ وہ وہاں معیاری تعلیم حاصل کر سکیں۔ جو لوگ اس استطاعت سے محروم ہوتے ہیں، وہ ناکافی تعلیمی سطح کے ساتھ پیچھے رہ جاتے ہیں۔

تعلیمی مواد جیسے کتابیں، مضامین، جرنل وغیرہ تک رسائی بہت کم ہوتی ہے، خاص طور پر وہ مواد جو آذربائیجانی زبان میں ہو۔ یونیورسٹی کی لائبریریاں تعلیمی مقاصد کے لیے ضروری وسائل سے محروم ہیں اور طلبہ ان مواد کے پرانے اور آج کے دور کے لحاظ سے غیر متعلقہ ہونے کی شکایت کرتے ہیں۔

تعلیمی مواد اور وسائل کی کمی کی ایک بڑی وجہ حکومت کی جانب سے علمی تحقیق اور تراجم کے لیے ناکافی معاونت ہے۔ تعلیمی شعبے کی ترقی کے لیے بجٹ کی تجاویز اور علمی تحقیق کے لیے مالی معاونت کی کمی ملک کو ذہنی قلت میں مبتلا کر رہی ہے۔ اس کے ساتھ ساتھ اکثر اوقات ماہرین ترقی یافتہ ممالک کی طرف ہجرت کر جاتے ہیں جہاں انہیں تحقیق کے لیے بہتر مراعات فراہم کی جاتی ہیں۔

آذربائیجان میں پوسٹ گریجویٹ تعلیم کو اپنے نظام میں نمایاں تبدیلیوں کی ضرورت ہے۔ ماسٹرز کی ڈگریوں کی تعلیم کو مزید پیشہ ورانہ اور خصوصی بنانے کے لیے کافی ترقی کی ضرورت ہے۔ ایسٹ ٹینیسی اسٹیٹ یونیورسٹی کے پروفیسر ایمریٹس رچرڈ ڈی کورٹم کے مطابق، “آذربائیجان میں ماسٹرز کے طلبہ کو عام طور پر وہی کورس، وہی انسٹرکٹر، وہی کتاب، وہی لیکچر مواد، اور وہی ٹیسٹ دوبارہ لینے پڑتے ہیں جو انہوں نے انڈر گریجویٹ کے دوران لیے تھے۔” [4]

آذربائیجان میں اس وقت موجود ایک اور بڑا مسئلہ رشوت ہے۔ اگرچہ آئین میں یہ غیر قانونی ہے، لیکن آبادی کے لیے بقا کے لیے ایک معمول کا حصہ بن چکا ہے۔ عوام کو تعلیم، صحت، سرکاری خدمات، ملازمتوں اور دیگر شعبوں تک رسائی کے لیے رشوت دینا پڑتی ہے۔ ان اداروں کے سربراہان ان رشوتوں سے فائدہ اٹھاتے ہیں اور عوام کو ایسی صورتحال میں ڈالتے ہیں کہ ان کے مسائل حل کرنے کے لیے انہیں پیسے دینے پڑتے ہیں۔

یونیسکو انسٹیٹیوٹ فار سٹیٹسٹکس کے مطابق، آذربائیجان میں دوسرے قفقاز ممالک اور وسطی ایشیائی ممالک کے مقابلے میں ثانوی (اعلیٰ) تعلیم کے داخلے کی شرح سب سے کم ہے، کیونکہ 77% آذربائیجانی جو اسکول سے فارغ التحصیل ہوتے ہیں، وہ یونیورسٹی میں داخلہ نہیں لیتے۔ یہ ممکنہ طور پر “غلط طریقے سے تشکیل دیے گئے اور انتہائی مرکزی ریاستی کوٹا مختص کرنے کے نظام” کی وجہ سے ہوتا ہے۔ [5] نیچے دیا گیا ٹیبل 1 2010 سے 2014 تک آذربائیجان، آرمینیا، جارجیا، اور قازقستان میں یونیورسٹی میں داخلے کے لیے درخواست دینے والے طلبہ کا تناسب دکھاتا ہے۔[6]

Sources:

[1] Mammadova, S., Guliyev, F., Wallwork, L. and Azimli, N., 2016. Human Capital Development in Azerbaijan. Caucasus Analytical Digest, (90), pp. 8,. Available at: <https://www.academia.edu/30431942/The_Quality_of_Education_in_Azerbaijan_Problems_and_Prospects>

[2] Mammadova, S., Guliyev, F., Wallwork, L. and Azimli, N., 2016. Human Capital Development in Azerbaijan. Caucasus Analytical Digest, (90), pp.8,. Available at: <https://www.academia.edu/30431942/The_Quality_of_Education_in_Azerbaijan_Problems_and_Prospects>

[3] Mammadova, S., Guliyev, F., Wallwork, L. and Azimli, N., 2016. Human Capital Development in Azerbaijan. Caucasus Analytical Digest, (90), pp. 7,. Available at: <https://www.academia.edu/30431942/The_Quality_of_Education_in_Azerbaijan_Problems_and_Prospects>

[4] Richard D. Kortum, “Emerging Higher Education in Azerbaijan”, Journal of Azerbaijani Studies, 12, 2009.

[5] Mammadova, S., Guliyev, F., Wallwork, L. and Azimli, N., 2016. Human Capital Development in Azerbaijan. Caucasus Analytical Digest, (90), pp. 7,. Available at: <https://www.academia.edu/30431942/The_Quality_of_Education_in_Azerbaijan_Problems_and_Prospects>

[6] Souce: Mammadova, S., Guliyev, F., Wallwork, L. and Azimli, N., 2016. Human Capital Development in Azerbaijan. Caucasus Analytical Digest, (90), pp. 8,. Available at: <https://www.academia.edu/30431942/The_Quality_of_Education_in_Azerbaijan_Problems_and_Prospects>

Cover Image by OpenClipart-Vectors from Pixabay